今日起身仲有少少唔舒服,都成3日了!辛苦~~      但都有番工~  係公司今日超靜..係到傾計多~~  但喉嚨仲好痛~番到公司冇啦啦不停流鼻水~~  搞到個鼻損左咁!！

今晚冇去到同ar 龍慶祝生日..sorry ...    玩得開心D啦~~     之後係屋企休息,打日記~  哈..現在就去訓了..  現在生活好唔知點...

今晚希望發個好夢啦~~

希望唔好,好似ar阮咁講既病啦~  我都好驚,因為又幾似~  如果真係有,咁點算呀?？ 

琴日去了馬鞍山(新港城)  睇powergirls 表演..  我同ar仁 3點幾就去到,等佢地黎..  我同ar仁去左仙跡岩一路飲野,一路等佢地...  飲飲下,ar阮打俾ar仁話就表演,咁我同ar仁就立刻走!！  去到剛剛好睇佢地彩排..  之後節目中開始了,我就同ar仁去左玩問題遊戲~~  D答案就係前面D壁報板有講~~哈..

表演開始~~  ar仁去左影相,我就係後面睇...  佢地跳得幾好,係好似台細左D,令到佢地好似冇之前咁齊..  有少少撞下撞下咁.. 見到佢好似唔係太開心咁,係佢男朋友唔係到,定係我又係到呢?

之後睇完就走了... 因為一D事,所以我自己番去~  我就去左市中心搵ar 仁, ar阮 ,ar龍 , 波波 ,寶貴 , b朗,去左食pizza .. 好味~哈.. 之後十一點幾就番到屋企訓了~~  但最衰左發左個夢..都唔知係好,定唔好...  現在愛上了訓覺,因為想追夢...  唉..都唔知係好定唔好~  

琴晚去同ar 阮 , bill傾計... 好多謝你地聽我講~~    講了一些心事,令我心都舒服左D... thx..
 最後都好睇我自己係點行...可唔可以讓件事唔好再困擾住我!！ 雖然真係好難接受,但我都會再努力讓事件離開我

今朝搭車,唔知點解訓唔著...  眼光光望住條街!~  可能因為琴晚又發夢..  我已經發左好多晚夢.. 有D好,有D唔好..  番到工司就開始做野,希望唔好再做錯野啦..做錯野真係會好煩,好大鑊!
今日都係準時放工,已經好幾個月準時放工,冇咩野做,冇咩爆倉情況!!    今日冇2佬車,所以就只好去坐村巴~  村巴一定會經過佢屋企~我就一定望上去,睇下佢有冇出街,定係屋企!~ 臨到時仲周圍望下見唔見到佢~~   點知咁耐,今日係我第一次見到佢,佢和佢男朋友係巴士站等車,其實唔知係唔係佢,因為車開得好快,隱約見到佢男朋友身形和佢既身形 ,我見到當然立刻回頭望,個心仲跳得好快,好驚,仲有少少心痛!每次無啦啦見到佢就會個心跳得好快,好驚!  如果知道佢係到就唔會,可能因為有心理準備,雖然一見到都會好驚,但冇咁嚴重!~  之後我回到家就不停想,唸住琴晚傾完,心有幾日平靜,點解今日就咁...  死啦...  又自閉!

晚晚發夢,有幾次其實仲夢見件事,真係好恐怖,唔好再咁俾我見到啦!

好耐又冇打日記..  幾個月了...

最近既日子,多數都係番工,之後放工番屋企訓~~  日子愈來愈平淡...    自閉中!！

琴日10月1日..係國慶!！  好 日子...

下午4點出了去睇lala 表演...   出到去行左一陣等ar siu...  之後再搵ar 仁一齊去睇佢地!！  去到見到佢地都準備中~~  仲見到佢,個心當然跳快左,好緊張啦!！　唔知佢係唔係仲好憎我呢？　但我估90%佢仲憎緊我~　睇完佢地表演就走了,同佢地去左許留山.. 之後去左打牌...今晚打牌好黑仔,頭4圈冇食過餬..超黑仔,唔通見完佢之後俾佢落左降頭?定係<情場得意,賭場失意..>想話我知我同佢仲有可能...  係就好..超期待.. 哈..      但佢仲咁憎我,都係夢中先可以發生呢D事!唉．．．

果件事可否唔好再困擾我？＞幾年了．．好辛苦嫁　　放過我啦．．